Nang Ngaih A Zual

Boomp3.com

khvk.;hjb;njl/km/lc vbnm,dxhbjnkm,l;./hfxdcvbnm,.vcxcv bnm
n
a
n
n
g

ajhbjfnidjsdn

Theih Chang Se

Theih Chang Se
Composed by John Mawitea & Mapuii Fanai
Sang by Marina Vanlalhriatpuii (Mizo Idol Contestant 2007)
Album - John Mawitea & Mapuii Fanai Hlate 2008

1. Mahriak te a awmhar run nghah changin,
Nghilh ni awm lo rawllai di te kha.
Ka dawn ngai lo aw ka lo dawn phak mawlh lo,
Tiang reng a nun hlui ngai tur reng hian.
Theih chang se siahthing zar bel thuva iang a lendun;
Ka nuam ngei e tu dang ngai lo tein I tangah bei ve I la.

Duhaisam mai hi maw ka chan tawk le,
I dawn lung ruk reng hre si lo khan e;
Biahthu di ka lo hlan ve che khan,
Lunglai a na nem ten min chhang si lo.

2. Thinlai na ngei kei a riang rairah tan hian,
Mahse a riang chan tawk khua rel lo ni.
Aw le damten lenlai ni chen zel la,
Min dawnpui ve maw ka chan tawk hi.
Theih chang se thangvan si ar Chawngmawii leh Hrangchhuana ianga;
Amtea in diin lenlai par tlan ve in leilung lawm a kim ngei ang.

Listen

Nang Ngaih A Zual

Nang Ngaih A Zual
Composed by John Mawitea & Mapuii Fanai
Sang by R Lalhmangaiha
Album - John Mawitea & Mapuii Fanai Hlate 2008

1. Kim ten ka dawn kir thin asin,
Karah hmelma dawtthu leng zawng;
Nem ten tuar zai rel mai lo khan,
Tang dang belh zai I rel si maw.

Nunhlui khua rei chang tur hi ka dawnin,
Thinlai a hnim ruai e;
Zantiang chhawrthla a lo en chang hian,
Nang ngaih a zual thin e.
Thal romei a zam chiai e,
A saw raltiang tlang cham dur nen;
Lung min len e awmkhua a har ngei,
Nang ngaih a zual thin ngei.

2. Tang dang belin lung her mah la,
Hlim ten kan lenlai te dawnin;
Nghilh zai rel har I ti lawng maw,
Dawn chiang lovin lung I her leh si.

3. Nghilh zawng I har dawn thin mange,
Engkim mai hian nang min ngaih tir;
Bawihte a pawi ngei e nang nen,
Damchhung samang kan in then tur hi.

Listen

Lenmawi

Lenmawi
Composed by John Mawitea & Mapuii Fanai
Sang by Manuna (Hard Ray)
Album - John Mawitea & Mapuii Fanai Hlate 2008

1. Kan kara biahthu leng hian lenrual thinlai a thawng,
Aw duhlai duhthusam a ni lo mahse e nang nen chuan;
Zaitin vawra suihlung rual a rem thei si lo a pawi ngei e.

Lenmawi I tello chuan tlei a har si,
Tawrh thiam a har dawn thin ngei e,
Nang tel lova hringnun ka hmang tur hi,
Ka ngai ngam lo hmangaih di lenmawi.

2. Kumpuisul pawh vei se hmangaih ber thinlai hnemtu,
Nang I tello chuan lenrual hmaah hlimzai vawr a har si;
Khuarei hian suihlung len hi a ti zual hian keizawng ka ring si.

Aw herchhuak thuai se nang nghilh zai ka rel ve hun tur,
Aw hun hian liampui thuai se!

Listen

R. Lalhmangaiha (19-02-1988 - 21-07-2008)

R. Lalhmangaiha (19-02-1988 - 21-07-2008)

February ni 19, 1988 ah Pu R Laldinthara leh Pi Zoramthangi-te fa pathumna ni turin Durtlang Presbyterian Hospital-ah a lo pianga. An unau hi mipa 5 leh hmeichhia 1 an ni. An unau upat dan indawtin - 1. Johny Zonunmawia ( thla 11 mi niin a boral hlauh). 2. R.Lalnuntlanga, 3. R.Lalhmangaiha, 4. Vanlalruata, 5. Jasmine Lalrinawmi te an ni.

A naupan laiin a dang hi a awk nasa hle thina, a thil sawi turte pawh a duh angin a sawi thei lawklo thin a ni awm e. A nu leh pa ten, ‘Engnge kan rawn hawn ang che?’ tia an khawi lo chhuah dawna an zawh pawhin, a naute hian an lo sawi khalh a, ‘ Ka Ka...’ tiin a lo rak ve mai thin ni awm tak a ni. ‘Kaka’ tiin a hming an phuah ta a, hei hi a nick name-ah a hmang hlen ta a ni!

Kum 2005 September ni 27-ah Lalnunmawii (Temâmi) d/o Pi Lalmawizuali nen inneiin, fapa Jakaria Malsawmdawngkima an nei. R.Lalhmangaiha hi naupan lai atanga zai ngaina leh zai hrat tak niin, Kohhran thil tih nikhuaah pawh tleirawl a rawn nih chhoh phat atanga rawn zai chho in, Cable TV Demand channel-a Gopsel Group hmehchhuah hlawh tak ‘Gospel Echo’ an tihah pawh khan a lo tel fo tawh a; hmun hrang hrangah pawh zaia rawngbawlna te an nei thin a ni.

ZONET-in nikum 2007 a Mizo Idol Contest a buatsaih tum khan Durtlang leitan hming a rawn chhuak ve in, Contestant 1800 zingah Contestant Number 1308 -na niin a rawn zai tan a, Top 180-ah thlan chhuah a niin, third round mi 50 thlan chhuah ah a tel a. Top 10 result puan a nih khan a vannei leh thiam zual Lallawmpuia Fanai, C. Lalthlengliana, Lalhmingliana Chhangte, Remkimi Cherput, Alex Lalchhuankima, Freddy Lalremruata, B. Lalbiakkima leh Lalthlamuani te zinga tel turin thlan tlin a ni leh a. Top 10 zai vawikhatna-ah final a nih zel angin Top 8-ah a inhlang kai a, Top 20 atanga a hla sak lar ‘An Lungleng Ve Ngei Ang’ tih chuan mi tam tak lung a kuai avangin, Top 8 atanga a tla ta khan mi tam tak ui hle a ni.

"Top 8-ah hian tla mahila, ka lawma, zai hi ka chhunzawm zel dawn" tih sawiin, Mizo Idol Contest buatsaih zawh hnuah Mizo Idol Top 10 zingah pawh lar ber pawl leh zaia sawmtu ngah ber zingah rawn tel pha in, Mizoram dung leh vanga mipuiin zaithiam an tih chu an hai rual loh a ni.

Ka Ngaingam Lo

Ka Ngaingam Lo
Composed by John Mawitea & Mapuii Fanai
Sang by Mimi Renthlei
Album - John Mawitea & Mapuii Fanai Hlate 2008

1. Hmanah khan samang inthen lawng I tih kha;
Engan tunah hmelhma dawt thu vangin,
Biahthu min hlan I sut leh tak mai le.
Ka ngaingam lo nang sammang inthen tur hi,
Dawn chiang ve la lung I chhir mai lawng maw?

Nang nen hlimten kan len dun lai zawng pawh khan e,
Sak hmel tawn loh chhung tawi te pawh kha e-
A rei asin lunglen tuar har ka ti;
Aw lamang let zai I rel tawh si lo maw?

2. Kan kara dawt thu rawn hlan tu che khan bawihte;
Hmangaih biahthu hlan zai a rel si che,
Rinawm biahthu di hlan chung zel che in.
Leng dang a chhai e I dawn phak si lo,
Dawn hian suihlung a phang e aw nang then chu.

3. Lunglen hi kei hian engtin tuar zel ang I maw;
Hlim thei hianin kei zawng ka in ring lo,
Kan hlimlai ni leh hun zawng zawngte kha.
Hmanlai chang tur an ka phal thei si lo,
Lamang let leh tur hian aw ka lo nghak che.

Listen

Hrethiam Em

Hrethiam Em
Composed by John Mawitea & Mapuii Fanai
Sang by – Isaac Lalmalsawma
Album - John Mawitea & Mapuii Fanai Hlate 2008

1. Hun kha chen kawp lai di dang nen;
Damten laitual ka lo leng thin a.
Mahse hlimna dik tak ka chhar lo,
I kianga leng zawng a dang.

Mahse maw ka mawina chauh thlir lo la,
Kumtluang run lumpui turin thlir la;
I dawn lungruk a hlim thei em?
Ka tan chuan sawi tam a ngai tawh love,
Hrethiam tawh hian ka ring a che.

2. Kan run in lo kai hian lungrun;
I thinlai lungruk ka lo dawn thin a.
Aw min rawn vei ve hian ka ring si che,
Kei pawn lungrun ka vei che.

3. Kei pawn nang ka tawn ni che khan;
Sawi tur ka van duh luat vang che in.
Tiang ema aw ka lo
Hriatthiam har ka ti bawihte!

Listen

Kir An Rel Lo

Kir An Rel Lo
Composed by John Mawitea & Mapuii Fanai
Sang by – TBC Zaithanpuia (Youth Idol 2007)
Album - John Mawitea & Mapuii Fanai Hlate 2008

1. Thal khaw romei zam riai ten tlang tin an bawm e,
Thlir vel ka nuam chhun ni sen sa an thinlai mu hnu a tho e;
Ka dawn kir leh thin a hmana lenrual te nen hlim ten,
Ram tuan rel a tuk loh ram dai kan fan lai ni te kha.

Kir an rel lo kan hlim lai ni ten,
Min ngai lo ten aw zamualpui an liam;
Kumsul ang liamin khuarei an chang zo ta,
Kan pan lai hlim lai ni ten kir an rel lo.

2. Zan khua lo tlaiin chhawrthlapui eng riai hnuaiah,
Perhkhuang tingtang remin zai tin kan vawr chutin duhthu kan sam;
Sam ah sam luat awm si lo a ngur nun reng kan ngai bik lo,
Hlim lai kan chen tunah erawh hmanlai an chang ta si.

Tunah zawng tuanna tlang te lo dang ta si maw,
Lenrual kan kim ta lo dawn a se ngei e!

Listen

Hmangaihna Vanduai

Hmangaihna Vanduai
Composed by John Mawitea & Mapuii Fanai
Sang by – Mami Varte
Album - John Mawitea & Mapuii Fanai Hlate 2008

1. Hmangaih biahthu kan tiam zawngte,
Tawnmang an chang zo ta maw.
Ka tan chan loh turin khua nu'n a lo ruat reng che em ni le?
Dawn in lung a awi thei lo!

Nang vang hian e ka thinlai na dam thei tehreng pawh hian e,
Ka ring mawlh lo asin mi u ka chan hmangaihna vanduai.
Phu loh leng helin ka chan hmangaina vanduai maw lo ni le!

2. A na ngei ka tuar an zawng,
Ka tan nghilh I har lua e.
Duh luat vangin lung ka chhir ngei I tan lamang let leh ka zuam e,
Za tlang rel thang pawh phurh huamin.

Dawn chiang la lung I chhir leh mai hian,
Aw kei zawng ka ring si piang nawn leh mah la;
Kei ang reng a hmangaihtu I tawng tawh lawng.

Listen

Di Tleitir

Di Tleitir
Composed by John Mawitea & Mapuii Fanai
Sang by – Malsawmtluangi Fanai
Album - John Mawitea & Mapuii Fanai Hlate 2008

1. Ka ngai em che aw di tleitir hmeltha,
Ka tan par in lo vul reng la.
Chutin run hmun kan len dun theihna turin,
Dam chhung hun hi thapui nang nen.
Hlim ten di lungrun I chen ang aw,
Nunhlui mual liam hnu dawn kir tawh lovin-
Hlim ten hma hun tur I thlir zel ang.

2. Aw di lungrunpui ka hmangaih ber I ni,
Tlai khua kan var dun lai zawng kha.
I tawngkam tha kha ka tan hian a hlu si,
Ka tan hian hlimna ber I ni.
Kumtluang nang nen vul reng ang aw,
Lungdumtu nang lo he lei ah hian e-
Tawn ka in ring lo valmawi nang lo.

3. Hun kha leh chen kha e dam ten kan leng dun,
Tunah nun hlui mual an liam ta.
Ka ngai vawng vawng che ka thinlai hnemtu kha,
Dam ten khua hmun leng dun leh ang.
Ka tan chuan ka thlang lo leng dang,
Nunhlui mual liam hnu dawn kir tawh lovin-
Hlim ten hma hun tur I thlir zel ang.

Download from Rapidshare

Listen & Download Mp3

I Tang Rual Ang U

I Tang Rual Ang U
Composed by John Mawitea & Mapuii Fanai
Sang by – Remkimi Cherput
Album - John Mawitea & Mapuii Fanai Hlate 2008

1. Dawn ve thin ang che u maw zofa leng zawng zawngte hian
Kan ram kan hnam tluchhe mai tur hi tung ding leh tur hian
Nang leh kei lo chu tu dang an awm lo asin.

I tangrual ang u zofa leng zawngte hmatiang sawn turin,
Pheilai I khai ang u khua a tlai ang e aw unau;
Kan ramin min kove nang leh kei.

2. Eng hi nge maw ka ram hian mi tihsak ve thei ang?
Ti a in zawt buai mai lovin, enge zoram tan hian
Ka tih ve theih ang tih hi thinlungah cham se.

3. Thlirin han hawi vel I la tlang tin leh mual tin te,
A mawi ngei e sirva lungrual zawng nen hmatiangin lungrual
Zai zir I la zoram nuam kan siam ngei ang.

Listen

A Her Si Lo

A Her Si Lo
Composed by John Mawitea & Mapuii Fanai
Sang by – Mimi Lalzamliani
Album - John Mawitea & Mapuii Fanai Hlate 2008

1. Thal khua romei chhun ni sen sa ,
Khua chuanin thlir vel ka nuam ngei e.
A saw raltiang zobawn cham duai,
Hmana lenrual te nen ram kan tuanna awi lung min len e.

Ngaiin ka au chul hnu nun hlui thinlai an a hlui mawlh si lo,
Ngaiin ka au lenrual lungduh te in dawn ve thin em le.
Kan nunhlui zawng kha kar a hla tuanna a dang ta si mo;
Tawn leh ni kawl an a her si lo.

2. Nunhlui ngaiin tah khua sei se,
Tun min han dem bik hian ka ring lo.
Kan lenna tlang leh mual zawngte a dang chuang si lo;
Lung a leng e luaithli ka nul leh thin.

Download from Rapidshare

Listen & Download Mp3

Hmeltha Lalnu

Hmeltha Lalnu
Composed by ..........................
Sang by Henry Lalmalsawma Renthlei (Zoawi Lelte 2007, Runners Up)
Album - .................................

1. Hmeltha, lungdumtu, i sakhmel mawi leh anka nemin,
Leng zawngte thinlai a fan riai e.
Engtinnge maw chung khuannu leng pawh hian
Tiang em a a lo duan bik che ni khuavang lasi ianga sawisel bo i lo ni e!

I sakhmel mawi thlir ninawm loh;
I sakruang leh kim tlang a mawi hluan e!
Lung i dum ngei e, lung i dum ngei e!
Thlang sappui lanu kan ngai bik lo,
Zofa te tan i mawi ber e-
Hmeltha lanu, hmeltha lalnu, lung min dumtu.

2. I kimtlang mawi leh bahsam leng siau thlir nin zawng aw a har ngei e,
I chhingmit mengmawi thinlaiah a cham reng.
Nghilh thei reng hian ka mawi dawn em ni le,
Theih chang se chungmu ianga leng dunin hlim lai par tlanin nang nen leng dun i la.

3. Chuai lo par iang i sak hmel chuai lo ten aw lo vul zel sela,
Chutin Zoram tan pangpar mawi ni zel la.
Khuanu malsawmna i dawn zawngte kan ram leh hnam tan hlan chung zelin,
Leng zawngte lungdumtu ber ni zel ang che.

Hmeltha Lalnu, Champhai lanu!

Listen

Suihlung Rualin

Suihlung Rualin

Composed by John Mawitea & Mapuii Fanai

Sang by Alex Lalchhuankima (Mizo Idol 2007, Top 6)

Album - John Mawitea & Mapuii Fanai Hlate 2008

1. Zanin zet chu zan dang zawng zawng aiin,

Chhawrthlapui leh Siar an mawi chuang bik em ni?

Uhu! Am ten i chen ang u perhkhuang rimawi remin.

Tun lo sel lo se lanu valrual zawngte

Hlim lai par ang an tlan e am ten an chen e

Uhu! An vanglai rimawi remin sir an sawn dial dial e.

Khawi lam chhingkhual emaw kan lo intawn tak le!

A sak hmel leh hming pawh hriat ngai loh te nen,

Suihlung rualin hlimzai an vawr e.

Uhu!! Hmm!

2. Keipawh hmangaih tawn thar di tang beiin,

A fal ten kim lo biahthu kim ten kan in hlan.

Uhu! Ka lairil lunglawm a ti kim zo ngei si maw!

Kan vanglai ni kawla'n a liam hma ngei hian,

Amte'n i chen zel ang u suihlung rual te in,

Uhu! Nunhlui khua rei a chang thuai mai dawn si a.

Listen

Krismas Kawrmawi

Krismas Kawrmawi

Composed by Reckson VL Pachuau

Sang by Joseph Zaihmingthanga, Gracy VL Pachuau & Debbie

A mi zaleng zawngten Lal chibai buk turin,

Neihlung an khawng e van khaw mawiin.

Naupiang lawmna thinpek inhlan tawnin,

Chung Pathian lungdum zo tur reng an.

Mahse a riang hluan e,

Zua tello hrai chawi chu,

A vai ruai a maw vang khawpui ah.

A neih rosum tlemte chu rawn kengin,

Dawrkaipa hnenah ti hian a sawi:

"Ka pu he Kawrmawi hi engzat man nge?

Ka nu pekah ka duh asin,

Luaithli a nul fo rei tak chhung chu,

Ka chunnu lunglawm a kim ve nan.

Ka neih zawng hi ka hlan a che,

Min lei tir rawh cheng sawm in."

Thinlai chhun ang na in dawrkaipa biangah chuan,

Khawngaihna mitttui aluang chhuak ta;

"Mama hei hi nang leh i chunnu tan nei ang che,

Engmah reng a ngai lo."

Chawlh zai reng rel lovin hlim takin a tlan a,

A chunnu kiang a thlen meuh chuanin,

Lawm avanga chhingmittui far chungin:

"Hei anu, i krismas kawrmawi tur!"

Hringnun hi a mawi thin e,

hmangaih leh duhsakna tuipui angin aw luang zel se la.

Krismas ni lawmawm lo thleng ngei pawh hi,

Hmang ang aw - duhsakna hlanna atan.

When You Go Home

When You Go Home

Composed by WB Manner

Translated by - ...........................

Sang by Remkimi Cherput (Mizo Idol 2007, 3rd Runners Up)

Album - Zaia Chawi Ka Nuam

When you go...

Tell them of us....

Zingtian boar zaitin thiam alo zai,

Zan mu tho ru hmelma ral a hrang e.

Ram hmangaih val rualte'n raltiang an kai ta e.

Chhailai lung Di tawn leh ni turtiam in,

Biahthu an hlan aw intawng leh ang maw.

Mahse chhuihthang valan ti hian biahthu a hlan ta.

"When you go, when you go home,
Tell them of us and say:
Hringnun hlimte'n i hman ve nan-
Famkhawpui ka lawi ta e!"

Hraileng te'n zuapa tangah pawmin,

Biahthu an hlan lam ang let leh turin.

Mahse hmangaih mamte,

Duhthu i sam sual ta maw!

Kar Mah Hla Se

Kar Mah Hla Se
Composed by John Mawitea & Mapuii Fanai
Sang by Henry Lalmalawma Renthlei (Zoawi Lelte 2007, Runners Up)
Album - John Mawitea & Mapuii Fanai Hlate 2008

1. Kar mah hla se lengdang tawnah,
Lung her tum lo la keipawn duhlai I tan rinawm zel hi,
Ka duhthlan ber a lo ni reng si.

I sakhmel tawn chakin in vangkhuaah,
Chhingkhual changin riah run zai ka lo rel ang a,
Hmangaihna in min lo pawm nang che aw.

2. Ka ngai em che thinlai luahtu,
Nang ngai hian zan mut chhing lovin tlai khua ka lo var leh thin a,
In tawn leh ni her chhuak leh thuai se.

3. Min lo nghak reng ang che duhlai,
Tha leng dang tawnah vul tir lo la lung her lul suh ang che,
Tawn leh ni a her thuai ang.

Listen

Chu Tlangah Chuan

Chu Tlangah Chuan
Translated by Mala

Sang by R Lalramchhana
Album – ............................

Sang by Lallawmpuia Fanai (Mizo Idol 2007)
Album – ............................

Sang by Lalhmingliana (Mizo Idol 2007 2nd Runner Up)
Album - ............................

1. Harsatna karah I lei hringnun,
I hliamte chu tam hle mahse.
Sualna doral lo hrang zawngte'n,
Kir zai an rel an tlawm ta si.

Chu tlangah chuan han chawl la,
Lei hrehawm hnutiang chhawnin;
Fakna hla mawi chu sa in,
Pa angchhung nuam ah chawl ta che.

2. Aw mittui nen hringnun vuiliamin,
Thihna hlim kawrh ruam zawh mah la.
Sualna doral lo hrang zawng te'n,
Kir zai an rel an tlawm ta si!

3. Aw mittui nen hringnun vuiliamin,
Thihna hlim kawrh ruam zawh mah la.
Fak hla sa a I zai hunah,
Angel hlim hmel tawn ka nuam.

Min Vei Ve Rawh

Min Vei Ve Rawh

Composed by Lalneihthangi

Sang by C Sanga
Album – ............................

Sang by Henry Lalmalsawma Renthlei (Zoawi Lelte 2007 Runners Up)
Album - ............................

1. Thal favang lenkawl eng ri riai hnuai an,
Chul mai lo se vanglai nun ngaihlai mi u.
Min vei ve la duh ten ka chawi nang che,
I thaikawi thu tin di mai zawng a tawk lo.

Eng dang reng reng hian lunglai a luah mawlh lo,
Nang ngai reng reng hian zan mu ka chhing thei lo.
Tu dang ngai lo ten leg dun I la aw ka di lenmawi,
Kum tluang run lum nuthai chang ngei ang che aw!

2. Engdang reng dawn thei hian ka mawi si lo,
I sak hmel mawi leh anka nem lungdumtu.
Thinlai I cham reng thin lungrunpui,
Lenna tlang a dang tawnni I awm si lo.

3. Dawn ve thin ang che aw a riang val hi,
Nang ngaih I tawnah suihlung len ka hril vang hian.
Suihlung herin ka ring lo che mi u,
Lengdang tang nem zawng bel lul suh aw Thuampui!

An Lungleng ve Ngei Ang

An lungleng ve ngei ang
Composed by R Vanrammawia

Sang by R Lalhmangaiha (Mizo Idol Top8)
Album – R Lalhmangaiha

Sang by R Vanrammawia
Album – ..........................

Sang by Henry Lalmalsawma Renthlei (Zoawi Lelte 2007 Runners Up)
Album – .........................

Sang by Ramhlun 'N 'YMA
Album – .........................

1. Awmkhawhar changin ka dawn vel thin a,
He hring nun par ang vullai nite.
Mual min liam san thin kan hlimni ten-
Hmanlai an chang zo, nghilh a har ngei.

Lenrual duhte nen hlim te in,
Zaitin kan vawr lai kha.
Ka ngai thin e thiante kha,
Kan lenna a dang zo ta si!
Ka hming an hriatchhuah changin,
Kan nun dan thin an dawn kir ve anga,
An lung a leng ve ngei ang.

2. Han hawi vel hianin tlang tin dam diai,
Thal romei zing riai lenkawl eng leh;
Chhem dam thlifim leh thinghnah nem ten,
Nungcha hram thiam ten min ngaih tir thin.

R Lalhmangaiha

Perhkhuang Tingtang

Perhkhuang Tingtang
Composed by ...................................
Sung by Joseph Zaihmingthanga
Album - ...................................

1. Thinlaiah I cham reng perkhuang tintang rimawi,
I kianga awm hi ka ning thei lo.
Hringmi leng zawng te pawn I kiangah len ve hi,
Ning thei reng hian ka ring bik nem le.

Ka perhkhuang zaitin thiam,
Ka hlimna leh lawmna ber,
Awmkhawhar suihlunglen min hnemtu I ni-
Perkhuang tingtang zaitin thiam hrui rimawi.

2. Rimawi tum thiam valan suihlung len thu hrilin,
I kiangah duhthu leng a sam thin.
Lengi te vala te hlim zai vawrna ber chu,
Nang ngei hi I lo ni hrui rimawi.

3. Perkhuang tingtang rimawi ka pawm vawng vawng nang che,
Biahthu tinkim hrilha zai vawrin.
Nang ang a min hnemtu tawng leh hian ka mawi lo,
Ka tan khuavel I chhing zo ngei e!

Rimawi tum thiam valan suihlung len thu hrilin,
I kiangah duhthu leng a sam thin.

Ka Lungdumtu

Ka Lungdumtu
Composed by John Mawitea & Mapuii Fanai
Sang by Blue Corn
Album - John Mawitea & Mapuii Fanai Hlate 2008

1. I anka nem sakhmel nui hiau tawn changin lungruk a hlim ngei,
Chutin ka tan par ang vul zel la.
Lung zawng I chhing bik hian e ka ring mawlh lo asin mi u,
Saisen nau ang ka tanglai an I bei ni khua rei se a mi leng tawnah.

Lungrun par ang vul mai lo la,
Kan tiam biahthu zawngte kha vawngin,
Hringnun awmkhawhar min hnem ang.
Nang lo chu tawng hian ka mawi si lo;
Ka di enchim loh ka lungdumtu.

2. Hmanah chian di ang tawng ve in khiangawiin zamual ka liam a,
Mahse maw ka lo tawng sual si.
Chutin leng leh zun a uai tiin selna anka nem lo dawi vel che maw,
a mi leng tawnah.

I chun leh zua hrang lul lo se,
I lenrual te pawn min sel lo se,
Chutin hlimten run rem ve in a mi leng tawnah.

Download on Rapidshare

Listen & Download Mp3

Perhkhuang Tingtang

Perhkhuang Tingtang
Composed by John Mawitea & Mapuii Fanai
Sung by Mathlenga (Mizo Idol 2007 Runners Up)
Album - John Mawitea & Mapuii Fanai Hlate 2008

1. Mahtea awmkhawhar lunglen a van ruai hi
Ami zaleng zingah hnemtu ka tawng si lo
Mahse ka perhkhuang zaitin remthiam chuan
Lunglen tinkim zaiin mi hril pui e.

Aw ka perhkhuang tingtang nen chuan
Zaitin lungrual ten kan hril dun tu dang ngai lo ten
Tun an sel ka phal lo ka perhkhuang ziatin rem thiam hi
Khuavel ah chhing zo awm hian ka ring lo
Lunglen tinkim hril pui turan.

2. Nunhlui ngaih lunglen chu zaiin mi chawipui a
Suihlung len nem ten tuar dan mi zirtir thin
Nang ka kiangah rinawm ten awm reng la
Chhun ni zantiang pawh hrui ang a sel lawng e.

I sak hming a mawi chuang e,
Van hnuai khuavel a thang chhuak e.
Zaitin rem thiam chu nang ngei hi!

Download on Rapidshare

Listen & Download mp3

Mizo Hla

Mizo hla hi tunlai hian zofate zingah a lar thar leh nasa hle mai a, hei hi thil lawmawm tak a ni mai lovin thil hlu tak a ni. Hun kal ta thlir letin zofa abikin thang tharte zingah mizo hla ngaihnepna leh thing tihna, changkang lo tihna kha a lian hman hle a, amaherawhchu ka hriat sual loh chuan Vanlalsailova rawn lar tan 2001 vel bawr atang khan nasa takin mizo hla revolution a awm ta niin a lang.
Cable TV hrang hrang ten zai a in tihsiakna an han buatsaih chho hian nasa takin mizo hla thangtharte zingah ngainatna a tuh ta bawk a. Hei hi kan hnam, mizo hnam tan a thil ropui tak a ni!